Kandidati i LDK-së për kryetar të Rahovecit, Burim Krasniqi, ka vizituar fshatin Drenoc, ku është pritur me respekt dhe mbështetje nga banorët.
Në këtë takim, Krasniqi prezantoi projektet e programit “Fshatrat Tona, Zemra Jonë”, duke theksuar se Drenoci, i njohur për historinë dhe kulturën e tij, meriton zhvillim dhe investime konkrete.
Projektet e paralajmëruara përfshijnë:
-
Furnizimin me ujë të pijshëm, zgjidhje përfundimtare;
-
Finalizimin e të gjitha rrugëve me kubëza;
-
Ndërtimin e kanalit për ujërat atmosferike;
-
Zgjerimin dhe rregullimin e sheshit të fshatit;
-
Rregullimin e Muzeut të UÇK-së;
-
Finalizimin e kanalizimeve në të gjitha lagjet;
-
Rregullimin e rrugës fushore “Rruga e Makinës”;
-
Mirëmbajtjen e rrugëve fushore;
-
Rregullimin e fushës sportive pranë shkollës;
-
Kubëzimin e të gjitha rrugëve dhe rrugicave të fshatit.
“Me ju, këto projekte nuk mbeten vetëm premtime, por shndërrohen në punë të prekshme që do ta ndryshojnë përditshmërinë e banorëve të Drenocit,” deklaroi Krasniqi.
Ai shtoi se vizitat nëpër fshatra po e forcojnë bindjen se LDK ka mbështetje të gjerë për vizionin e saj për një Rahovec të zhvilluar, gjithëpërfshirës dhe me më shumë mirëqenie për qytetarët.