Kandidati i LDK-së për kryetar të Rahovecit, Burim Krasniqi, ka ngritur shqetësimin për mungesën e kanalizimit në disa pjesë të komunës, edhe 25 vite pas përfundimit të luftës.
Në një postim në rrjete sociale, Krasniqi e ka quajtur të papranueshme faktin që banorë të fshatrave, por edhe të qytetit të Rahovecit, ende përballen me këtë problem elementar.
“Është turp dhe e pabesueshme si 25 vite pas përfundimit të luftës ka banorë në komunën e Rahovecit, në fshatra po edhe në qytet, që nuk kanë kanalizim. Mjaft është mjaft. Rahoveci duhet të ndryshojë,” ka shkruar ai.
Krasniqi ka paralajmëruar se një nga prioritetet kryesore të qeverisjes së tij do të jetë përmirësimi i infrastrukturës bazike, duke theksuar se qytetarët meritojnë kushte më të dinjitetshme për jetesë.