Kandidati i LDK-së për kryetar të Rahovecit, Burim Krasniqi, ka vizituar fshatin Senoc, ku është pritur me mikpritje të ngrohtë nga banorët.
Në takim, Krasniqi prezantoi programin “Fshatrat Tona, Zemra Jonë”, duke paraqitur projekte konkrete që do të ndikojnë drejtpërdrejt në përmirësimin e jetës së përditshme të banorëve të këtij fshati, i cili për vite me radhë ka qenë i neglizhuar në investime.
Ndër projektet kryesore që paralajmëroi janë:
Furnizimi me ujë të pijshëm
Shtrimi i kubëzimit në katër rrugë të lagjeve
Ndriçimi publik në rrugën “Sadri Krasniqi” dhe “Adem Krasniqi”
Zgjidhja e problemit të kanalizimit gjysmak që derdhet në përroçkë
Kubëzimi i rrugës “Lulufushe” dhe “Adem Krasniqi”
Rregullimi i trotuarit dhe kanalizimeve të dëmtuara
“Senoc, faleminderit për respektin dhe mikpritjen tuaj. Me ju, këto projekte do të kthehen në punë konkrete për një Senoc më të zhvilluar e më të jetueshëm,” theksoi Krasniqi.
👉 Ai shtoi se vizitat e tilla po dëshmojnë përkrahjen e qytetarëve ndaj vizionit të LDK-së për një Rahovec ndryshe, më të zhvilluar dhe më gjithëpërfshirës.