Kandidati i Lidhjes Demokratike të Kosovës për kryetar të Komunës së Rahovecit, Burim Krasniqi, ka prezantuar sot para banorëve të Zaqishtit programin “Fshatrat Tona, Zemra Jonë”, i cili përfshin projekte konkrete për përmirësimin e jetës në këtë fshat.
Në mesin e zotimeve kryesore të këtij programi janë: ndërtimi i një shkolle të re në Zoqisht, furnizimi me ujë të pijshëm, zgjerimi i ujitjes me bazën ekzistuese, vazhdimi dhe përfundimi i shtratit të lumit deri në fund të fshatit, kubëzimi i rrugicave, si dhe zhvendosja e trafos së rrymës nga parku i fshatit.
“Bashkë këto projekte do të kthehen në punë konkrete, duke sjellë kushte më të mira për arsim, bujqësi, infrastrukturë dhe një jetesë më të dinjitetshme për banorët e Zaqishtit”, u shpreh Krasniqi, duke falënderuar banorët për mikpritjen dhe respektin.