Kandidati për kryetar të Komunës së Rahovecit nga radhët e Lidhjes Demokratike të Kosovës (LDK), Burim Krasniqi, ka zhvilluar një takim me banorët e Opterushës, një nga fshatrat me potencial të madh turistik dhe historik të komunës.
Para një pranie të madhe qytetarësh, z. Krasniqi prezantoi programin “Fshatrat Tona, Zemra Jonë”, i cili përfshin një sërë projektesh konkrete që garantojnë zhvillim të qëndrueshëm, infrastrukturë moderne dhe kushte më të mira jetese për banorët.
Në mesin e projekteve të planifikuara për Opterushën janë:
Transport me autobus Opterushë–Rahovec
Kubëzimi i rrugicave nëpër lagje
Finalizimi i kanalizimit në të gjitha lagjet
Funksionalizimi i ujit të pijshëm nga K.R.U. “Gjakova”
Funksionalizimi i sistemit të ujitjes (pikë-pikë) nga projekti i dikurshëm
Ndërtimi i objektit multifunksional
Funksionalizimi i fushës së sportit “Nahit Bytyqi”
Pastrimi i lumit nga burimi deri në Reti
Rregullimi i rrugëve fushore me zhavorr
Hapja e rrugës fushore që lidh Opterushën, Zoqishtin dhe Retin
Kanal për ujitjen e tokave (Opterushë–Reti)
Krasniqi falënderoi banorët për mikpritjen dhe besimin e treguar, duke theksuar se këto projekte do të realizohen me prioritet, për të bërë Opterushën më funksionale, më të pastër dhe më të zhvilluar në çdo aspekt.
“Me ju, këto projekte do të bëhen realitet. Opterusha do të jetë shembull i një fshati të zhvilluar dhe të lidhur ngushtë me qytetin,” u shpreh Krasniqi, duke përmendur edhe bashkëpunimin me asamblistin aktual Eqerem Spahiu.