Gjatë ditës së sotme në Qendrën Edukuese-Korrektuese në Lipjan, u bë certifikimi i katër të miturve në aftësimin profesional për elektro-instalime dhe hidro-instalime.
Shërbimi Korrektues i Kosovës thotë se ky program synon të ofrojë mundësi të reja për të miturit, duke i pajisur ata me shkathtësi praktike që mund të jenë të dobishme për të ardhmen e tyre.
“Certifikimi i sotëm është pjesë e përpjekjeve të vazhdueshme për të rritur mundësitë e rehabilitimit dhe riintegrimit të të miturve në sistemin edukativ dhe atë profesional”, thuhet tutje në njoftim e ShKK-së.