Dega e Dytë e Lidhjes Demokratike të Kosovës në Prishtinë, e njohur si njëra ndër degët më të fuqishme e më të organizuara të kësaj partie, ka mbajtur tubimin e saj elektoral me pjesëmarrje të madhe dhe atmosferë entuziazmi.
Në këtë ngjarje morën pjesë kryetari i LDK-së, Lumir Abdixhiku, si dhe kandidati për kryetar dhe njëherësh kryetari aktual i Prishtinës, Përparim Rama.
Nënkryetari i Komunës së Prishtinës, Florian Dushi, tha se ky tubim dëshmoi përkushtimin dhe fuqinë mobilizuese të Degës së Dytë, e cila i dha mbështetje të plotë Përparim Ramës dhe LDK-së.
“LDK dhe kandidati i saj për Kryetar të Prishtinës janë përtej fjalëve të kota – ata kanë punë të bëra, vizion të qartë dhe projekte që presin katërvjeçarin e ardhshëm për ta transformuar kryeqytetin tonë të zemrës, Prishtinën”, tha Dushi.