Zyrtarja e PDK-së, Blerta Deliu ka reaguar pas paralajmërimeve për shtrenjtim të çmimit të energjisë elektrike.
Ajo përmes një postimi në Facebook, ka thënë se politikat e gabuara të një pushteti reflektojnë drejtpërdrejt në varfërimin e qytetarëve.
“Nuk ka produkt bazik që nuk është shtrenjtuar në Kosovë, dhe tani, për të disatën herë, qytetarëve po u shtrenjtohet edhe rryma. Kjo është e papranueshme, e pajustifikueshme dhe do të kundërshtohet me çdo formë”, ka shkruar Deliu në Facebook.