E ngarkuara me punë e Shteteve të Bashkuara të Amerikës në Kosovë, Anu Prattipati, bashkë edhe me ambasadorët e Quint-it u takuan sot me kryeministrin në detyrë të Kosovës Albin Kurtin.
Diplomatët që i shkuan në zyrë Kurtit, i thanë qartë këtij të fundit se duhet të punojë bashkë me liderët e tjerë politikë për konstituimin e Kuvendit dhe formimin e Qeverisë, transmeton klankosova.tv.
Gjatë këtij takimi, diplomatja amerikane ritheksoi nevojën që udhëheqësit politikë të Kosovës, të punojnë së bashku për të konstituuar Kuvendin dhe për të formuar një qeveri të qëndrueshme në përputhje me Kushtetutën.
“Këto institucione janë thelbësore për të siguruar mirëqenien dhe prosperitetin e qytetarëve të Kosovës”, tha ambasada amerikane në postimin në rrjetin X.
Chargé d’affaires Anu Prattipati and the Quint Ambassadors met today with Caretaker Prime Minister Kurti. During the meeting the CDA reinforced the need for Kosovo’s political leaders to work together to constitute the Assembly and form a stable government in accordance with the… pic.twitter.com/huOTPcVsx9
— U.S. Embassy Pristina (@USEmbPristina) May 12, 2025