Deputetja e Kuvendit të Kosovës, Duda Balje, ka reaguar për kërkesën e saj për themelimin e një komune me shumicë boshnjake, duke theksuar se kjo kërkesë është më shumë se 20-vjeçare dhe plotësisht e ligjshme.
Përmes një postimi në rrjete sociale, Balje thekson se kërkesa për një komunë me shumicë boshnjake nuk ka për qëllim ndarje monoetnike dhe as përjashtuese, por përmirësimin e jetës së komunitetit boshnjak në Kosovë.
Postimi i plotë:
Për ju që keni frikë nga ne
Komuna per Boshnjake/Komuna Boshnjake dhe te ngjashme, keshtu shkon per ju qe nuk keni kuptuar gje
1. Kërkesa për komunë me shumicë boshnjake është gati 20 vjeçare, përsëritet çdo vit dhe vazhdimisht presim ditë më të mira për të kërkuar.
2. Ne nuk kërkojmë komuna monoetnike (edhe në bazë të ligjit formohet një komunë ku një komunitet është 75%, që nuk do të thotë 100%. Dhe dihet që në rajonet tona jetojmë me ju shqiptarë pa problem.
3. Boshnjakët janë popull autokton në Kosovë, ne kemi jetuar këtu sa të gjithë ju.
4. Boshnjakët në Kosovë kanë qenë pjesë e të gjitha proceseve nga periudha para luftës, gjatë luftës dhe pas luftës. Kanë qenë pjesë e formimit të shtetit, të pranishëm në një pjesë të kushtetuta e Kaqanikut 5 boshnjakë kanë nënshkruar Deklaratën e Pavarësisë së Kosovës në vitin 2008, kanë votuar gjithçka që ka qenë e rëndësishme edhe kur deputetët shqiptarë të pozitës/opozitës nuk e kanë bërë.
5. Fëmijët tanë jetojnë dhe shkojnë në shkollë dhe mësojnë gjuhën shqipe pa probleme
6. Ne nuk kërkuam komunë në Vjenë kur serbët bënin presion për komunat e tyre, por pritëm ta bëjmë atë në përputhje me ligjet tona (kemi 20 vjet që presim).
7. Asnjëherë nuk e kemi krahasuar veten me asnjë komunitet në Kosovë, jemi komunitet që nuk kemi shtet rezervë, për ne Kosova është atdheu ynë.
8. Kërkojmë një komunë të bazuar në ligjet e Kosovës, për të jetuar në të me ju, për t’ua bërë jetën më të lehtë njerëzve tanë, për t’ua bërë gjithçka më afër dhe më të lehtë për ta.
9. Nuk na duhet asnjë asociacion, përveç atij të Kosovës.
10. Askush nuk duhet të na shoqërojë me një komunitet tjetër, sepse kjo është keqdashëse.
Boshnjakët dhe shqiptarët historikisht janë të drejtuar ndaj njëri-tjetrit dhe të tillë do të mbeten.
PS për ju që nuk kuptoni asgjë fare, marrja e komunës është një proces që mund të zgjasë disa vite, që do të thotë se asgjë nuk do të ndodhë menjëherë, edhe tani, përveç fillimit të procedurës, kështu që… nuk ka nevojë për kaq frikë dhe urrejtje.