Deputetja nga komuniteti boshnjak, Duda Balje, nuk ishte e pranishme në seancën e sotme plenare të Kuvendit të Kosovës.
Ende nuk dihen arsyet zyrtare të mungesës së saj, ndërsa prania ose mungesa e deputetëve nga komunitetet joshumicë po shihet si faktor potencialisht vendimtar në procesin e konstituimit të institucioneve të reja.
Albulena Haxhiu ka dështuar sërish të votohet për kryetare të Kuvendit.
Ajo mori vetëm 57 vota, kurse 46 deputetë ishin kundër dhe tre deputetë abstenuan.
Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.
Ai tha se seanca do të vazhdojë sërish më 25 prill në ora 11:00.
“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpritet për të premten 25 prill në ora 11:00”, tha Dehari.