ka reaguar ndaj deklaratës së presidentes Vjosa Osmani, e cila sot tha se drafti i Asociacionit nuk do ta kalojë testin e Gjykatës Kushtetuese.
Tahiri e ka akuzuar Osmanin për ndryshim të qëndrimeve lidhur me këtë çështje, duke thënë se fillimisht ajo e kishte pranuar statutin e Asociacionit të hartuar nga BE-ja me disa vërejtje, ndërsa tani po e kundërshton atë.
Në një postim në Facebook, Tahiri e quajti Osmanin “presidente e paradokseve”, duke kritikuar edhe heshtjen e saj për këtë temë deri në momentin kur u përmend mundësia e zgjedhjeve në Kosovë.
“Fillimisht dha vërejtje zyrtare për dokumentin e statutit të Asociacionit të hartuar nga BE-ja, që nënkupton se e ka pranuar Asociacionin e BE-së me vërejtje. Ndërsa sot e hodhi poshtë duke thënë se ky statut nuk duhet të shkojë në Gjykatën Kushtetuese. Nuk është çudi, sepse është kjo presidente që ishte gojëmbullur tërë kohën, ndërsa foli kur u përmendën zgjedhjet në Kosovë, nga frika se mos po shkarkohet…”, shkroi Tahiri.