Shefi i Misionit EULEX, Giovanni Pietro Barbano, u ka uruar mirëseardhje të martën Njësisë Policore të Specializuar të 5-të (NJPS).
Në njoftimin e Eulex-it thuhet se këta policë, që vijnë nga forcat e Eurogendfor-it të siguruara nga Xhandarmëria Kombëtare e Francës, Karabinierët e Italisë , Shërbimi i Sigurisë Publike i Lituanisë dhe Garda Kombëtare Republikane e Portugalisë, do të punojnë krah për krah me Njësinë Policore të Specializuar (NJPS) të siguruar nga Policia e Polonisë.
Kjo për ta përmbushur mandatin e misionit për ta mbështetur stabilitetin në mbarë Kosovën dhe për garantimin e sigurisë për të gjitha komunitetet gjatë zgjedhjeve të ardhshme të përgjithshme. /