Franca ka kërkuar organizimin e një ushtrimi të NATO-s në Greenland dhe është e gatshme të kontribuojë në të, ka bërë të ditur zyrtarisht zyra e Emmanuel Macron këtë mëngjes.
Ky zhvillim vjen ndërsa aleatët evropianë po përpiqen të tregojnë përkushtimin e tyre ndaj sigurisë në Arktik ndaj SHBA-së, pas shqetësimeve të përsëritura të Donald Trump, njofton skynews.
Sipas raportimeve të gazetës i paper këtë mëngjes, njësitë e mbikëqyrjes nga Mbretëria e Bashkuar, të Forcave Ajrore dhe Marinës, janë duke negociuar për t’iu bashkuar një “linje të re mbrojtjeje” me trupa të vendosur në Greenland.
Presidentja e Komisionit Evropian, Ursula von der Leyen, premtoi një “rritje masive të investimeve evropiane” në Greenland dhe për sigurinë në Arktik gjatë fjalimit të saj në Davos dje.
Javën e kaluar, delegacione ushtarake nga tetë vende evropiane fluturuan drejt ishullit për një mision të rekonesancës, i cili shkaktoi një përplasje me Trump, i cili e interpretoi këtë si një gjest kërcënues.