Në kuadër të fushatës zgjedhore të Aleancës për Ardhmërinë e Kosovës (AAK) në Suharekë, kandidati për kryetar të komunës, Bali Muharremaj, ka zhvilluar një takim entuziast me qytetarët e Vraniqit, ku është pritur me përkrahje të madhe.
Muharremaj tha se fryma e fitores po rritet dita-ditës, ndërsa Vraniqi dëshmoi edhe njëherë se është pjesë e rrugëtimit që nuk ndalet.
“Fryma e fitores po rritet dita-ditës. Vraniqi e dëshmoi se është pjesë e këtij rrugëtimi që nuk ndalet. Me punë, me angazhim për vendin dhe me përkushtim ndaj qytetarit, fitojmë bashkë,” – u shpreh Muharremaj.
Ai u bëri thirrje qytetarëve që më 12 tetor të votojnë për numrin 174, si dhe për kandidaten për Asamble Komunale Elvane Muqa (nr. 15), duke theksuar rëndësinë e unitetit dhe përkrahjes për ekipin fitues të AAK-së në Suharekë.
AAK ka intensifikuar takimet në të gjitha fshatrat e komunës, ndërsa mesazhi i fushatës së Bali Muharremajt mbetet i qartë: “Me punë dhe përkushtim, fitojmë bashkë!”