Ministrja e Punëve të Jashtme, Donika Gërvalla ka deklaruar se kandidati për kryeministër të Kosovës, nga radhët e AAKsë, Ramush Haradinaj është “gjeneral i vetëshpallur”. Kjo deklaratë e saj ka nxitur reagime nga OVL-UÇK-ja.
Hysni Gucati, kreu i OVL-UÇK-së ka deklaruar se ministrja Gërvalla duhet të bëjë falje publike dhe nevojitet që të “e shikojë dhe bëjë punën e saj” e jo të merret me luftën e past♪r të pjesëtarëve të Ushtrisë Çlirimtare të Kosovës [UÇK].
Gucati u shpreh se deklarimet nga Gërvalla nuk i shohin si befasi, madje e “akuzojnë” duke thënë se ministrja njihet edhe për mbledhjen e dokumentacioneve për dërgim në Gjykatën e Serbisë.
“Nuk na befason deklarata e Donika Gërvalla Shwartz, pasi që kjo njihet për mbledhjen e dokumentacioneve në Gjykatën e Serbisë. Donika Gërvalla, kjo ka bërë vepër të rëndë ndaj pjesëtarëve të UÇK-së dhe veçanërisht ndaj familjes së Ramush Haradinaj ku thotë se është general I vetshpallut. E dijmë se po të mos ishte kjo familje bashkë me nënën babanë e vëllezër që fillojë luftën Dukagjin, ne kemi shpëtuar shumë rëndë Drenica dhe krejt Kosova. Donika Gërvalla duhet të bëjë falje publike ndaj deklaratës së dhënë.
Për komunikim me kryeministrin, Kurti, Gucati ka deklaruar se nuk ka pasur kërkesa ndaj tij pasi që “Gërvalla e Kryeministri janë të njëjtë dhe kanë mendimin e njëjtë”.
Sa i përket ankesave në PZAP, Gucati ka njoftuar se do të parashihet që brenda ditës së nesërme planifikojnë se do të bëjnë ankesa ndaj deklaratës së ministers, Gërvalla.
“Gërvalla është turpi më I madh I Kosovës dhe është ajo që del kundër UÇK-së”, vijoi Gucati.