Veterani i UÇK, Hasan Haklaj, ka qenë folësi i dytë në protestën kundër Speciales që po mbahet në Shkup.
Para mijëra protestuesve, ai ka thënë e tri shkronjat e arta të alfabetit shqip janë UÇK.
“Të dashur bashkëkombës, të dashura motra dhe vëllezër, bij dhe bija të një historie, të një gjuhe, të një gjaku, të një qëndrese. Një rilindas i madh thoshte se me shkronja bëhet alfabeti dhe me alfabet shkruhet kombi. Po të mos ishte alfabeti shqip, ne do të shuheshim. Ky është i paprekshëm dhe tri shkronjat më të arta të alfabetit shqip janë UÇK”, ka thënë Haklaj.