Kryetari i Aleancës për Ardhmërinë e Kosovës, Ramush Haradinaj, pas dështimit të seancës për konstituimin e Kuvendit ka akuzuar Lëvizjen Vetëvendosje se po sjell njerëz nga Maqedonia e Veriut për të ndikuar tek deputeti goran, Adem Hoxha, raporton Ekonomia.
Haradinaj tha se me dhjetëra persona të afërt me koalicionin VLEN kanë ardhur për ta bindur Hoxhën që të japë votën për Vetëvendosjen.
“Me dhjetëra njerëz të VLEN-it po vijnë nga Maqedonia e Veriut me e kontaktu Adem Hoxhën, me kërkesë të Albinit. Ky është Albini. Marrin mundin e gjejnë njerëz këtu për të kontaktuar. kanë kuzhinën e njëjtë atje, me këtë këtu. Qeveria atje nuk ka qenë aq miqësore ndaj shumë vlerave. Po shihet që e kanë një kuzhinë”, ka shtuar Haradinaj, që ka përmendur zëvendëskryeministrin e Maqedonisë, Izet Mexhiti, si njërin prej këtyre personave.