Diplomati amerikan, Christopher Hill po vazhdon në ditën e tretë dëshminë e tij në seancën gjyqësore ndaj ish krerëve të UÇK-së në Hagë.
Ish-diplomati amerikan, Christopher Hill gjatë dhënies së dëshmisë të tij në Hagë tha se Sllobodan Millosheviq ishte i shqetësuar se amerikanët po përzgjedhnin për partner UÇK-në gjatë luftës në Kosovë.
Hill: Millosheviqi ishte i shqetësuar sepse mendonte se amerikanët po zgjidhnin UÇK-në për partner
“Millosheviqi mendonte se ne [amerikanët] po largoheshim nga Rugova dhe mendonte që kjo ishte gabim i madh i rëndë sepse mendonte që ai pastaj do duhej të merrej me UÇK-në që ishe mendim shumë më i ashpër… Dua të theksoj këtu që edhe Rugova asnjëherë nuk kërkoi më pak se pavarësia edhe ai, por pranoi se nuk ishte i interesuar për luftën e armatosur… 11:04:28… Nuk jam i sigurt se kur jam takuar me Thaçin, por mendoj që Millosheviqi ishte i shqetësuar se ne do të menjanonim Rugovën dhe do të zgjidhnim UÇK-në si partnerin tonë. Pse ishte i shqetësuar për këtë nuk jam i sigurt”, tha Hill.
Kujtojmë se Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020. Ish-krerët e UÇK-së akuzohen për krime të pretenduara të luftës për çka janë deklaruar të pafajshëm.