Kandidati për deputet i PDK-së dhe ish-kryediplomati Enver Hoxhaj ka folur edhe për sulmet e kryeministrit Albin Kurti ndaj opozitës dhe ndaj mediave përmes përdorimit të termit “luftë hibride”.
Hoxhaj thotë se ai që e ka nisur i pari luftën hibride kundër Kosovës është pikërisht kryeministri Albin Kurti, i cili fillimisht kishte kundërshtuar procesin e pavarësisë së Kosovës.
“Fillimisht kishte kundërshtuar procesin e pavarësisë, pakon e Ahtisarit, duke përdorë mjete të luftës hibride”, ka thënë Hoxhaj.
Ai tutje ka folur edhe për konferencën e Ambasadorëve, ku s’ishin ftuar opozita. Hoxhaj thotë se kur ka qenë ministër, e kishte nisë traditën e konferencës dhe se e kishte ftuar edhe Kurtin atë kohë si kryetar i Komisionit për Punë të Jashtme.
“Shkaku ishte një konferencë e ambasadorëve. Konferencat janë të rëndësishme, për të reflektuar për politikën e jashtme. Jam shumë krenar që një traditë të tillë e kam nisur unë. Në atë kohë e patëm ftuar edhe Albin Kurtin, se ka qenë kryetar i Komisionit për punë të Jashtme. Unë kam dalë e kam pritë. I kemi ftuar edhe mediat. Ndërsa kjo ishte një ngjarje, pa ftesë të askujt që të gjithë të reflektojnë .
Më bëri përshtypje që u përjashtuan shumë njerëz dhe se s’pati fare prioritete për atë se çfarë duhet të ndodh në vitin 2025, vit që botën e sjell në një gjendje të re .
“Mund të ketë takime, sepse jemi në fushatë zgjedhore. S’ka pasë vullnet për diçka të tillë”, ka thënë Hoxhaj duke shjpeguar bisedën e tij imagjinare me Kurtin dhe arsyen pse e ka bërë..