Në Qendrën Ndërkombëtare Trajnuese për Kërkim Shpëtim (QNTKSh), u realizua trajnimi intensiv për Mbijetesë Malore në kushte dimërore për kadetët e vitit të katërt të Qendrës për Studime Universitare të Forcës së Sigurisë së Kosovës.
Ky program sfidues synon t’i pajisë kadetët me aftësitë e nevojshme për mbijetesë në kushte ekstreme malore, duke u fokusuar në teknika ngjitjeje dhe zbritjeje me litar, ndërtimin e strehëve, ndezjen e zjarreve, orientimin dhe navigimin në terrene të ashpra, si dhe menaxhimin e burimeve natyrore, njofton Klankosova.tv.
“Kadetët treguan shkathtësitë e tyre për t’u përballur me sfidat ku kjo tregon se këta të rinj do të jenë udhëheqës të ardhshëm të njësive të FSK-së, duke punuar dhe vepruar me punë në ekip dhe vendosmëri, duke mishëruar vlerat thelbësore të shërbimit dhe gatishmërisë”, thuhet tutje në një postim të FSK-së në Facebook.
https://www.facebook.com/plugins/post.php?href=https%3A%2F%2Fwww.facebook.com%2FSHPFSK%2Fposts%2Fpfbid0vXMcyJnFuNnjNizjhiSUhuFhYB3pwvuhycQxzHkDaJMGDHzZdLPRgb3n52uu3f1yl&show_text=true&width=500