Derisa procesi i numërimit të votave për deputetë po vazhdon ende, ku janë numëruar 96.05 % të votave. Janë disa kandidatë për deputetë që kanë marrë vetëm nga dy vota, por ka edhe tjerë që kanë marrë nga tri e katër vota.
Kp ka shikuar votat e 28 subjekteve politike, ku është vërejtur se dy kandidatë për deputetë kanë marrë vetëm nga dy vota. Është fjala për Hyrije Jahkurtaj, e cila ka qenë si kandidate nga Partia Balli Kombëtar Demokrat Shqiptar dhe Ekrem Qerimi, i cili ka marrë dy vota si kandidat për deputet nga Partia Rome e Bashkuar e Kosovës.
Erdona Mustafa dhe Medina Morina nga Partia Liberale Egjiptiane, kanë marrë nga tri vota, aq sa kanë marrë edhe Ibrahim Kadri nga PDAK-LPB. E katër vota nga kjo parti ka marrë Shkurte Misini.
Katër vota ka marrë edhe Shkumbin Rizvanolli nga Partia Balli Kombëtar Demokrat Shqiptar. Nga kjo parti janë edhe Sahit Selmani, Ilaz Ahmeti, Hanifa Kuqi, Venhar Zymberi, që kanë marrë nga 5 vota.
Nga pesë vota kanë marrë edhe Zemrije Berisha dhe Rukije Karamani nga Partia Rome e Bashkuar e Kosovës.
Përndryshe, ende nuk janë numëruar votat me kusht, të diasporës dhe personave me aftësi të veçanta.