Kryetari i Kuvendit të Kosovës, Glauk Konjufca në hapjen e fushatës zyrtare në Gjakovë tha se VV-ja e ka bërë Kosovën cep më cep, për dallim nga qeveritë e kaluara që sipas tij, Kosovën e kanë bërë “copë më copë”.
Ai thotë se VV-ja gjatë katër vjetëve të qeverisjes ia ka kthyer paret popullit, sepse “nuk i han për veti qysh ia kanë bërë ata më herët”.
“Ata që kanë qeverisur për 20 vjet e kanë bërë Kosovën copë më copë e na benëm Kosovën cep më cep. Tash secili pyet se pse ka pasur rritje ekonomike Kosova. Thjesht se nuk ka korrupsion. Pse ka rritje të pensioneve? Se nuk ka keqpërdorime. Pse ka shtesa për fëmijë e lehona? Se ka VV që dinë me ja kthy paret popullit e nuk i han për veti qysh ia kanë bërë ata më herët”, tha Konjufca.
“Ne kemi bërë më shumë për gratë e për punëtorët, për mjekët e për arsimtarët, për studentët e për bujqit, për policët e për ushtarë, për invalidët e për veteranët e UÇK-së, për çdo kategori të popullit tonë të dashur”, deklaroi ai.