Mbrojtja e ish-presidentit Hashim Thaçi, avokati Luka Misetiq, ka shpërfaqur një pretendim qesharak të Zyrës së Prokurorit të Specializuar (ZPS) lidhur me Lëvizjen Popullore të Kosovës (LPK).
Mishetiq shpërfaq se si ZPS’ja ka tentuar ta mbrojë pretendimin e saj, se LPK-ja ka pasur objektiv kontrollin e Kosovës, duke e mbështetur në një deklaratë politike të shkëputur nga konteksti.
“Kosova ose do të jetë e jona ose do të bëhet shkrumb e hi”, është deklarata e shkëputur nga konteksti, e cila vazhdon tutje “sepse ne jemi të vendosur se vdekja është më e mirë sesa jeta nën skllavëri”, sipas Misetiq.
“ZPS-ja për këtë i referohet një deklarate politike, një fjalie të nxjerrë jashtë konteksti, ku thuhet “Kosova ose do të jetë e jona ose do të bëhet shkrumb e hi”. Por, pjesa tjetër e tekstit vazhdon dhe e bën më të qartë se “kur thua që Kosova do të jetë e jona”, kjo i referohet popullit të Kosovës dhe jo anëtarëve të pretenduar të LPK-së. Për më shumë kontekst më tej: “Domethënë Kosova do të jetë e jona, në të kundërtën do të bëhet hi, sepse ne jemi të vendosur se vdekja është më e mirë sesa jeta nën skllavëri”. Dhe nuk ka pikë lidhje këtu me anëtarët e NPK-së. Përsëri është e paqartë se si ZPS-së i del neveria që dëshmitarët ndërkombëtarë dhe Bislim Zyrapi nuk kishin pikë informacioni për planin e përbashkët të NPK-së por mbështetet në një deklaratë politike për të vërtetuar synimin e pretenduar kriminal. Fakti që ndërkombëtarët dhe Zyrapi s’e kanë lexuar në të njëjtën mënyrë këtë deklaratë siç mundohet ta sheh ZPS-ja, në vetvete është dyshim i arsyeshëm sa i përket interpretimit të bërë nga ZPS-ja“, thotë Misetiq.