Kryetari i Sindikatës së Sektorit Privat të |Kosovës , Jusuf Azemi, komentoi fillimin e zbatimit
të vendimit të Qeveris së Kosovës se nga ky muaj lehonat e papunësuara që në vitin e parë do
të përfitojnë nga qeveria shtesa nga 325.9 euro për gjashtë muaj rresht dhe shtesa për fëmijë nga
20 euro për 12 muaj rresht, kumtuar nga ministri në detyrë i Financave, Hekuran Murati.
Kryesindikalisti Azemi në intervistë për Ekonomia Online tha se ky vendim është më shumë është masë populliste sesa politikë afatgjatë sociale.
“Vetë fakti që vendimi që merren për rritje në sektorë të ndryshëm dhe nuk komunikohet ose nuk dialogohet me organet kompetente i bie që i bën këto vetëm për çështje popullsitë”, tha Azemi.
Pas njoftimi zyrtar se nga ky muaj lehonat e papunësuara do të përfitojnë nga qeveria shtesat, kryeministri në detyrë, Albin Kurti, tha se vetëm falë qeverisjes së tyre do të ketë gjithmonë mbështetje për nënat lehona dhe fëmijët, ndërsa , sipas tij, para katër vjetëve nuk merrnin asnjë cent mbështetje financiare nga shteti.
Por, kryetari i Sindikatës së Sektorit Privat tha se kjo deklaratë është e gabueshme.
“ Me Ligjin e Punës lehonat kanë pasur të drejtën që në gjashtë muajt e parë të marrin 70 për qind të pagës së vet nga kompanitë dhe tre muajt e tjerë jnë paguar nga Qeveria e Kosovës. Kjo ka qenë vazhdimësi se sa është respektuar është diçka tjetër. Por Ligji i punës e ka sanksionuar shumë në nenin 49”, tha për EO, Azemi.
