Kryeministri në detyrë, Albin Kurti, partia e të cilit doli e para në zgjedhjet parlamentare të 9 shkurtit, ka bërë sot një postim, për ta përmirësuar një lëshim të para dy ditëve, raporton Gazeta Sinjali.
Në një postim në Facebook, Kurti ka shkruar se VV është e para në 22 komuna, duke përfshirë edhe atë të Klinës, e cila s’ishte në hartën e publikuar para dy ditësh nga vet ai,
“Harta e postimit të mëhershëm (pardje) nuk i përfshinte votat e mërgatës, me kusht dhe të personave me nevoja të veçanta. Kur shtohen ato, del që VETËVENDOSJE! edhe në komunën e Klinës është e para, prandaj në hartë tash edhe Klina u bë e kuqe. Ju kërkoj falje për këtë lëshim. Ju falemnderit për përkrahjen. Pra, në zgjedhjet parlamentare 2025, LVV është e para në 22 komuna, PDK në dy komuna, LDK në një, AAK (me Nismën Socialdemokrate) në dy, KDTP në një, ndërsa LS në 10 (prej të cilave gjashtë janë komuna të Ahtisaarit).”