Anëtari i Partisë Demokratike të Kosovës, Bernard Nikaj në “DPT te Fidani” tha se kryeministri në detyrë, Albin Kurti nuk ka asnjë kredibilitet politik.
Nikaj tha se vetëm një kryeministër tjetër mund ta rinegociojë marrëveshjen e Ohrit.
“Sa i përket BE-së, ajo marrëveshje është valide derisa nuk ndodh diçka tjetër Ajo diçka tjetër mund të jetë një qeveri që nuk udhëhiqet nga z. Kurti, sepse një qeveri tjetër e ka një hapësirë të vogël që të thotë, unë dëshirojë që t’i rinegociojë disa pika. Realiteti është se vetëm një kryeministër tjetër ka kredibilitet që të thotë që të fliten edhe një herë “nja tre pika” sa i përket kësaj marrëveshjeje. Zoti Kurti nuk ka asnjë kredibilitet politik”, tha Nikaj.
Ndër tjerash, Nikaj kritikoi kryeministrin në detyrë, Albin Kurtin, se del në konferenca dhe sipas tij, provon ta krijojë një bindje se gjithçka është në rregull.