Kryetari i Komunës së Vitisë, Sokol Halili ka bërë të ditur se i riu që vdiq pas vetaksidentit në autostradën “Arbën Xhaferi” është Ideal Halabaku.
Ai përmes një postimi në Facebook ka u shprehur ngushëllime familjes Halabaku, të afërmve, shokëve dhe të gjithë atyre që e njohën Idealin.
Kujtojmë se klankosova.tv fillimisht raportoi për një trup të pa jetë në autostradë.
“Me dhimbje të thellë pranova lajmin për vdekjen tragjike të të riut Ideal Halabaku, i cili u nda nga jeta në mënyrë të parakohshme dhe të dhimbshme, duke lënë pas pikëllim të madh tek familja, miqtë dhe te e gjithë shoqëria jonë. Në emrin tim personal dhe në emër të Komunës së Vitisë, i shpreh ngushëllimet më të sinqerta familjes Halabaku, të afërmve, shokëve dhe të gjithë atyre që e njohën Idealin”.
“Humbja e një jete të re është gjithmonë e rëndë, por kujtimi për Idealin do të mbetet i gjallë tek të gjithë ata që e njohën si djalë shembullor, i dashur dhe plot jetë. Në këto momente të rënda, jemi pranë familjes Halabaku me zemër dhe mendje, duke ndarë me ta dhimbjen e madhe”, ka shkruar tutje Halili.