Kreu i NISMA Socialdemokrate, Fatmir Limaj, ka falënderuar qytetarët e Malishevës për besimin e dhënë ndaj tij dhe koalicionit për Kosovën Fituese.
Limaj ka thënë se NISMA ka marrë mbi 40% të votave në Malishevë.
Ai ka thënë se është krenar me vendlindjen dhe bashkëvendësit e tij.
“Urime Malishevë për fitoren e madhe me mbi 40% të votave, në bazë të rezultateve fillestare. Jam krenar me vendlindjen time, me bashkëvendësit e mi, që sot e dëshmuan edhe njëherë se janë shembull i një qytetarie që nuk mashtrohet, por, përkundrazi i japin mbështetje njerëzve që punojnë e bëjnë vepra të mira për Malishevën e tërë Kosovën.
Ne fituam bindshëm në Malishevë sepse Malisheva qeveriset nga NISMA Socialdemokrate.
Faleminderit nga zemra Malisheva ime! Faleminderit nga zemra secilit qytetarë të Kosovës që na votuan sot”, ka thënë Limaj.