Politologu Agon Maliqi ka komentuar gëzimin e eksponentëve të pushtetit të cilët heqjen e sanksioneve të BE-së po e konsiderojnë si fitore të Kosovës.
Ai ua ka rikujtuat atyre se Kosova ka fituar në 1999 dhe 2008.
Në profilin e tij në “Facebook”, ai ka shkruar se aftësia e Kurtit për të prodhuar mashtrime optike është po aq e mahnitshme sa uria e publikut për t’i besuar ato.
“Tha Kosova nuk ka lëshu pe e po fiton. Çelu tokë. Kosova ka fitu në 1999 dhe 2008. Kosova prej vitit 2013 veç po humb kohë! Lista Serbe mbetet në krye të komunave. Shpejt rikthehen edhe policët dhe gjyqësori. Institiucionet e Serbisë që u mbyllën brenda Kosovës vazhdojnë i japin shërbimet te pika kufitare. BE dhe SHBA po thonë se detyrim është Marrëveshja e Ohrit e cila parasheh Asociacion. Aftësia e Kurtit për të prodhuar mashtrime optike është po aq e mahnitshme sa uria e publikut për t’i besuar ato”, ka shkruar Maliqi.