Kryetari i AKR-së, Behgjet Pacolli ka treguar se së fundmi një person i panjohur ka përdorur fotografinë e tij dhe përmes teknologjisë digjitale, ka imituar edhe numrin e telefonit të tij.
Ai bëri të ditur se ky person ka kontaktuar disa nga miqtë e tij, duke u kërkuar para me justifikimin se i duheshin urgjentisht në Tiranë dhe se do t’i kthente ditën tjetër.
Kërkesat kanë qenë për shumë të mëdha, nga 10 deri në 95 mijë euro.
Pacolli më tutje tregon se fatkqësisht disa persona kanë besuar dhe kanë dërguar para.
“Vetëm më 1 prill, një mik i vëmendshëm kuptoi se mënyra e të shkruarit nuk ishte e imja dhe më njoftoi menjëherë. JU LUTEM: MOS U MASHTRONI! Unë nuk kërkoj para nga askush. Nëse merrni ndonjë mesazh të dyshimtë në emrin tim, mos reagoni – por njoftoni menjëherë policinë ose më informoni mua direkt. Të gjithë së bashku mund t’u kundërvihemi këtyre mashtruesve pa skrupuj. Ju kërkoj ndjesë për shqetësimin dhe ju falënderoj për mirëkuptimin dhe besimin”, shkroi në facebook Pacolli.