Në Mitrovicën e Veriut, maturantët serbë kanë defiluar sërish sot gjatë festimit të përfundimit të vitit shkollor, në sheshin qendror me flamuj serbë, muzikë dhe brohoritje nacionaliste. Ata sot ishin në numër më të madh me në formë të korit.
Para pak ditësh, një grup tjetër maturantësh serbë, në një tubim thuajse identik, ishin filmuar teksa këndonin këngë me përmbajtje të njëjta, nacionaliste.
Kësaj here, në parakalimin e maturantëve që zgjodhën ta bënin me flamuj të Serbisë, morën pjesë edhe prindër dhe familjarë.
Sot, parakalimi u shoqërua edhe nga prindër e familjarë të maturantëve, ndërsa siguria në terren u mbikëqyr nga një prani e shtuar e pjesëtarëve të Policisë së Kosovës, të vendosur në disa pika të qytetit për të garantuar rendin publik.
Sikurse sot, edhe atë ditë këta maturantë ishin vë veshur me bluza me mbishkrime të njëjta dhe të pajisur me flamuj të Serbisë, dhjetëra të rinj dolën në sheshin qendror të qytetit duke kënduar në kor një këngë me përmbajtje të thellë nacionaliste dhe me mesazhe provokuese “Kosova është zemra e Serbise”.
Në këngët që ata këndonin, dëgjoheshin qartë vargje me përmbajtje nacionaliste që përhapin mesazhe mohimi dhe pretendimesh territoriale ndaj Kosovës. Këngët i përshkruajnë shqiptarët si të huaj në vendin e tyre, ndërsa glorifikojnë figurat serbe të mesjetës, si princ Llazari dhe Milosh Obiliqi, të cilët në narrativën serbe paraqiten si heronj të betejës kundër Perandorisë Osmane. Në sfond dëgjohen vargjet: “Kosova është zemra e Serbisë, zemra e Serbisë…”, “Kudo që të shkoj, te ti kthehem sërish…”, dhe “O Kosovë, Kosovë, toka ime e dashur. Toka e kalorësve të lavdishëm Llazar dhe Millosh!”
E pranishme në këtë “festë” ishte edhe thirrja famëkeqe “Uaa Shiptari!”, e cila përcjell provokim të hapur ndaj shqiptarëve.