Ish-drejtori i përgjithshëm i RTK-së dhe një prej emrave më me përvojë në fushën e mediave në Kosovë, Mentor Shala, është emëruar sot zyrtarisht Drejtor Ekzekutiv i televizionit DTV Media.
Vendimi u bë i ditur nga Aksioneri kryesor i DTV Medias z.Ramiz Vitia, i cili ka theksuar se përvoja shumëvjeçare e Shalës në menaxhimin e mediave publike dhe private përbën një vlerë të shtuar për vizionin e ri të DTV Media drejt transformimit digjital dhe zgjerimit ndërkombëtar.
“Në një kohë sfiduese për median, kemi nevojë për lidership të guximshëm dhe me vizion të qartë. Mentor Shala sjell me vete jo vetëm përvojë, por edhe kredibilitet dhe profesionalizëm të dëshmuar,” thuhet në njoftimin zyrtar të kompanisë.
“Jam i nderuar që i bashkohem DTV Media në një moment kyç të zhvillimit të saj. Do të angazhohem me përkushtim për të forcuar rolin e këtij rrjeti mediatik në treg, për të rritur cilësinë e përmbajtjes dhe për të hapur dyert drejt një audience më të gjerë, brenda dhe jashtë vendit.”