OpenAI ka njoftuar për përditësimin më të ri. Prej 10 prillit, përdoruesit e këtij roboti virtual me inteligjencë artificiale mund të kërkojnë përmbledhje të bisedave të mëparshme.
Mjafton t’i thoni “Ma kujto çka kemi folur gjatë kësaj jave”, dhe aplikacioni i OpenAI do t’i kthejë të renditura.
Kompania amerikane njoftoi se kjo do të mundësojë që roboti virtual të jetë më i personalizuar.
“Duke nisur nga sot, memoria në ChatGPT mund t’i referohet të gjitha bisedave tuaja të mëparshme, për të të ofruar përgjigje më të personalizuara. Kjo do ta bëjë më të dobishëm për ty në shkrim, marrje këshillash, mësim dhe të tjera duke u bazuar në preferencat dhe interesat e tua”, thuhet në njoftimin e OpenAI në X.