Ministria e Punëve të Jashtme dhe Diasporës ka konfirmuar se është në dijeni për heqjen e targave të disa automjeteve me regjistrim të Kosovës në Slloveni.
Përmes një njoftimi, MPJD-ja thekson se është në kontakt të vazhdueshëm me Ambasadën e Kosovës në Slloveni dhe policinë lokale për çdo zhvillim të ri.
“Deri tani, dyshohet se disa vetura kanë mbetur pa targa. Ambasada ka kontaktuar shtetasit e prekur dhe u ka rekomanduar të njoftojnë paraprakisht Policinë e Sllovenisë dhe të kërkojnë raport zyrtar për çdo rast,” thuhet në njoftim.