Eksperti i ekonomisë, Shenoll Muharremi, ka publikuar shpenzimet e Zyrës së Rregullatorit për Energji (ZRRE) në fushën e teknologjisë nga viti 2007 e deri më 2025-ën
Në një tabelë të paraqitur në ‘Facebook’, Muharremi thotë se prej 2007 e deri në këtë vit janë shpenzuar afro 800 mijë euro.
Sipas tij, rritje të shpenzimeve në pajisje teknologjike janë vërejtur pas vitit 2020 deri më 2023-ën. Nga 8 mijë-30 mijë deri në 70 mijë euro.
Shkrimi i Muharremit:
High-tech ZRRE
Këtu i kemi krejt shpenzimet për teknologji nga viti 2007 deri 2025.
Për tri vitet e para nuk ka të dhëna të detajuara, po prej 2007 e këndej janë shpenzu plot €792,467.
-Kompjuterë: €89,584
-Paisje IT/Software: €371,021
-Hardver për IT: €32,384
-Internet: €42,325
-Telefonia mobile: €146,633
-Mirëmbajtje IT: €110,520
Gjetjet kryesore:
1. Rritje drastike pas 2020. Vitet 2020-2023 dominojnë me shpenzime teknologjike që janë tepër më të shtrenjta sesa vitet paraprake, por numri i punëtoreve nuk është rritur, përkundrazi, është ulur.
2. Paisjet IT kanë shpërthy: nga €8k-€30k para 2020, në rreth€70k në 2022 dhe 2023.
3. Mirëmbajtja IT në 2020 ka kulmu me mbi €25k.
4. Telefona & interneti janë konsum i përditshëm, po €189 mijë gjithsej nuk janë pak.
5. Kompjuterë janë ble rregullisht, thujase çdo vit. Por rritje reale të stafit nuk ka pas. Nuk ka ndonjë ritëm të qartë, veç shpenzim pa logjikë, nuk dihet pse blihen vazhdimisht kompjuterë të ri.
Ok, nuk po paragjykojmë të gjitha janë nevojshme. Po kur janë paret e qytetarëve më të varfër në Europë, kërkohet më shumë transparencë me tregu pse po nevojiten, a janë të domosdoshme, për çfarë përdoren këto teknologji kaq të avancuara dhe të shtrenja?