Në qendrën e KFOR-it në Kampin Film City në Prishtinë, sot u zhvillua ceremonia e Transferimit të Autoritetit të Kontingjentit Gjerman të KFOR-it.
Kolonel Christian Gerber, komandanti në largim, ia dorëzoi komandën Kolonelit Jörg Reichstein, komandantit të ri të këtij kontingjenti, njofton Klankosova.tv.
Gjeneral-Lejtnant Bernd Schütt, Komandant i Komandës Operacionale të Forcave të Armatosura Gjermane, vlerësoi punën e Kolonelit Gerber për udhëheqjen dhe shërbimin e tij dhe e uroi Kolonelin Reichstein për suksesin në detyrën e re.
KFOR vazhdon të implementojë mandatet e tij në Kosovë, të mbështetura nga Rezoluta 1244 e Këshillit të Sigurimit të OKB-së, duke kontribuar në sigurinë dhe lirinë e lëvizjes për të gjithë qytetarët dhe komunitetet, në koordinim me Policinë e Kosovës dhe EULEX-in, thuhet në njoftimin e NATO-s në Facebook.
https://www.facebook.com/plugins/post.php?href=https%3A%2F%2Fwww.facebook.com%2FNATOKFOR%2Fposts%2Fpfbid01M3WNKv93rxrLREQV9BH8N1RBTB491LUTczqRnyugtrCNNE3einMHPsHp7sgzSybl&show_text=true&width=500