Deputetja e Lidhjes Demokratike të Kosovës, Hykmete Bajrami, ka bërë të ditur se nuk do të ndalen derisa të arrihet shfuqizimi i vendimit të Zyrës së Rregullatorit për Energji (ZRRE) për rritjen e çmimit të energjisë elektrike me 16%.
Në një postim në Facebook, Bajrami ka theksuar se kjo do të arrihet në bashkëpunim me deputetët që janë të angazhuar për të mbrojtur interesat e qytetarëve.
“Së bashku me të gjithë deputetët që mbrojnë interesin e qytetarëve dhe japin llogari para tyre, nuk do të lëmë gur pa lëvizur derisa të shfuqizohet vendimi i ZRRE-së për rritjen e çmimit të energjisë elektrike për qytetarët dhe bizneset”, ka theksuar Bajrami në deklaratën e saj.