Ambasadori i Finlandës në Kosovë, Matti Nissinen, së fundmi ka folur në lidhje me çështjet e sigurisë në Kosovë dhe intergrimin e saj në BE e NATO.
Sipas tij presionet gjeopolitike, narrative, që mbështesin qasjen e kundërshtimit të pavarësisë së Kosovës krijojnë mos besim dhe mos qëndrueshmëri të infrastrukturës.
Ai ka thënë se këto mund të jenë sulme si ato ndaj infrastrukturës kritike, siç është sulmi i fundit që ka ndodhur në Zubin Potok e që demonstron nevojën për masa të përmirësuara të mbrojtjes.
“Prandaj përvoja e Finlandës ofron informata mjaft të vlefshme e të çmueshme për adresimin e këtyre sfidave përmes ndërtimit të reziliencës, përmes kërcënimeve hibride dhe përqafimit të kohezionit social”, tha ai.
Ambasadori tutje shtoi se beson që Kosova mund të zbusë ndikimin e presioneve të jashtme dhe të fuqizojë themelet e veta demokratike.
“Në ndërkohë që Kosova lëviz drejt integrimit më të madh në NATO dhe BE, mund të priotetizoj veprimet si vazhdë për fuqizimin e demokracisë dhe kornizës së sigurisë së saj”, tha Nissinen.
Sipas tij përtej mekanizmave kombëtar të bashkëpunimit të luftimit të këtyre fenomeneve duhet të ndërtohen institucione për monitorimin, ndikimin dhe parandalimin e ndërhyrjeve keqdashëse, të bëjë fushata për përmirësimin e edukimit mediatik që mund të fuqizojë qytetarët që të jenë në gjendje të dallojnë informatat cilat janë të besueshme.
“Përmirësimi i bashkëpunimit rajonal dhe multirateral duke përforcuar partneritetin me Bashkimin Evropian dhe NATO-n madje edhe në mungesë të plotë të anëtarësimit, në këtë pikë do të fuqizojë infrastrukturën e sigurisë së Kosovës dhe të sigurojë platformë për iniciativa të reziliencës së përbashkët dhe fuqizimim e publikut dhe institucioneve demokratike.
Transparenca, sundimi i ligjit dhe mundësitë e barabarta janë jetike në kuptimin e besimit tek qeveria. Duke besuar në procese demokratike Kosova mund të sigurojë që qytetarët e vet të mbesin të bashkuar kundër kërcënimeve të jashtme”, tha ai.
Mes tjerash, ai potencoi se Finlanda është e gatshme që ta mbështesë Kosovën në rrugëtimin e saj.