Një delegacion i Presidencës së Kosovës që ka qëndruar në ShBA gjatë inaugurimit të presidentit Donald Trump, kanë takuar zëvendës ndihmës sekretarin e Shtetit, Alexander Kasanof.
Përmes një komunikate për media, presidenca ka njoftuar se gjatë takimit janë diskutuar zhvillimet e fundit në marrëdhëniet bilaterale.
“Gjatë takimit janë diskutuar zhvillimet e fundit në marrëdhëniet bilaterale, me theks të veçantë te Dialogu Strategjik Kosovë-SHBA i cili u arrit me iniciativë të Presidentes, fushat që do të mbulohen nga ky dialog strategjik si dhe pritshmëritë nga ky proces, e poashtu çështje të tjera të interesit të përbashkët. Gjithashtu, duke qenë dita e parë e punës e administratës së re të udhëhequr nga Presidenti Trump, Presidenca konfirmoi përkushtimin e saj të plotë për thellimin e vazhdueshëm të marrëdhënieve dhe zgjerimin e bashkëpunimit, duke potencuar se ruajtja dhe avancimi i sigurisë si dhe fuqizimi dhe afirmimi ndërkombëtar i Republikës së Kosovës” – u tha në komunikatë.