Presidentja Vjosa Osmani ka shprehur ngushëllimet e saj për vdekjen e Faik Rexhepit, simbolit të pathyeshëm të rezistencës paqësore kundër regjimit serb.
“Faik Rexhepi mbetet një emër i skalitur në historinë tonë, një burrë që përballë dhunës dhe padrejtësisë zgjodhi të qëndrojë i palëkundur, këmbëkryq në mes të rrugës, si një akt i fuqishëm i mosdorëzimit”, shkruan Osmani.
“Skulptura e tij në sheshin “Zahir Pajaziti” është një dëshmi e përjetshme e guximit të tij dhe e idealit për liri”.
“Ju shpreh ngushëllime të sinqerta familjes, miqve dhe të afërmve”!