Vjosa Osmani përmes një shkrimi në rrjetin social, X, tha se mezi pret të punojnë së bashku me Mrerz për të çuar përpara rrugën e drejtë të Kosovës për anëtarësim në BE dhe NATO.
“Në emër të popullit të Kosovës, i uroj Kancelarit Friedrich Merz suksese në detyrën e re dhe Qeverisë gjermane në fillimin e mandatit të saj. Në një moment kyç për unitetin dhe sigurinë e Evropës, udhëheqja e vazhdueshme e Gjermanisë është më e rëndësishme se kurrë. Si një nga aleatët më të rëndësishëm të Kosovës, presim të forcojmë partneritetin tonë dhe të punojmë së bashku për të avancuar rrugën e Kosovës drejt anëtarësimit në BE dhe NATO”, shkruan Osmani.
Kreu i CDU-së në Gjermani, Friedrich Merz arriti në raundin e dytë të marrë në Bundestag 325 vota, nëntë më shumë se shumica e nevojshme prej 316 votash.
Kryetari i CDU-së, Friedrich Merz, arriti të merrte në raundin e dytë votat e nevojshme dhe është kancelari i dhjetë i Republikës Federale të Gjermanisë.
Merz mori në votimin e fshehtë 325 vota pro, 9 më shumë se shumica e nevojshme prej 316 votash. Grupet parlamentare që përbëjnë koalicionin CDU/CSU dhe SPD kanë së bashku 328 vende në parlament.