Analisti paralajmëron pasoja serioze politike në rast se Presidentja nuk rikandidohet.
Analisti politik Lulzim Peci ka komentuar situatën aktuale politike në Kosovë dhe zhvillimet që lidhen me zgjedhjen e presidentit, duke theksuar se çdo vendim i kryeministrit Albin Kurti për kandidaturën e Vjosa Osmani mund të ketë pasoja të rëndësishme në raportet politike.
Sipas Pecit, Kurti ka mbajtur përgjegjësinë kryesore për proceset e rëndësishme politike, pavarësisht se ka informuar edhe partitë e tjera për çështje si dialogu. Ai theksoi se nëse Kurti vendos të mos e propozojë Osmanin për një mandat të ri, kjo mund të prodhojë përplasje të forta politike.
“Nëse Kurti nuk e propozon Vjosa Osmanin, unë besoj që Vjosa Osmani do të bëhet armik i madh politik i Kurtit. Ajo nuk e di nëse do t’i afrohet LDK-së apo do të formojë subjektin e saj politik, por nuk besoj që do të lërë postin e pasur pa një hakmarrje ndaj Kurtit,” ka deklaruar Peci.
Ai la të hapur mundësinë që Osmani, në rast se nuk rikandidohet, të ripozicionohet në skenën politike, qoftë përmes afrimit me Lidhja Demokratike e Kosovës (LDK), apo përmes krijimit të një subjekti të ri politik.