Prokurori i Hagës, Matthew Howling ka vazhduar me fjalët përmbyllëse në gjyqin ndaj ish-krerëve të Ushtrisë Çlirimtare në Hagë.
Pas Kadri Veselit dhe Hashim Thaçit, ai ka përmbyllur deklarimin edhe për Rexhep Selimin.
Howling tha se në heqjen prej pozitës së komandantit, Ekrem Rexha kishte dorë edhe Rexhep Selimi.
“Selimi u caktua përgjegjës për goditjen e koordinuar më të madhe që UÇK-ja kishte bërë deri në atë pikë”.
Howling poashtu theksoi se Selimi është personi i parë që kishte folur në paraqitjen e parë të UÇK-së në vitin 1997.