Një tejet e pazakont me kryepersonazh Princ Harry ka ndodhur së fundmi në rrugët e Londrës.
Princi Harry është parë duke u endur në lagjen Fulham, ku ka trokitur në dyer të gabuara, duke kërkuar një mik të tij, siç raporton The Sun.
Një nga momentet është kapur edhe nga një kamerë dere.
Një banor tha se pastruesja e shtëpisë hapi derën, por nuk e kishte njohur familjen mbretërore.
Ata shtuan: “U tronditëm kur pamë se ishte ai në kamera”.
“E vumë re vetëm kur fqinjët filluan të flisnin – dhe pastaj thamë, ‘Oh po!’”
Një burim tjetër tha: “Dy nga shtëpitë ku ai trokiti janë në skajet krejtësisht të kundërta të rrugës, e cila është rreth gjysmë milje e gjatë.
“Është pak e çuditshme që ai nuk dukej se kishte idenë se cilën shtëpi po synonte”.
“Nuk mendoj se shumë njerëz do të ecnin në një rrugë duke trokitur në dyer, e lëre më nëse nuk ndihen të sigurt.”
Fotografia e ziles së derës Ring tregon Harry-n, 40 vjeç, pa kravatë me një kostum blu dhe me një telefon në veshin e djathtë.
Kjo situatë komike vjen në një periudhë të tensionuar për princin, i cili është në përballje ligjore me autoritetet britanike pas vendimit për t’ia hequr sigurimin e armatosur gjatë qëndrimit në Mbretërinë e Bashkuar.
Harry ka shprehur shqetësimin se ndihet i pambrojtur, sidomos kur udhëton me familjen.