Në natën e nëntë të protestës “Jo në emrin tim”, qytetarë të mbledhur në sheshin “Skënderbeu” në Prishtinë kanë kërkuar nga Kryesia e Kuvendit që në mbledhjen e nesërme ta përfshijë në rend të ditës Projektligjin për ndryshimin dhe plotësimin e Ligjit për Dhomat e Specializuara.
Gjatë protestës, reflektorët janë drejtuar nga objekti i Qeverisë së Kosovës.
Kërkesa e protestuesve vjen në prag të mbledhjes së Kryesisë së Kuvendit, e cila është thirrur për nesër dhe ka pika të tjera të parapara në rendin e ditës.
Protestuesit kanë kërkuar që projektligji të trajtohet me përparësi.
Protesta “Jo në emrin tim” po mbahet çdo mbrëmje në Prishtinë, pas aktgjykimit të Gjykatës Speciale në Hagë ndaj ish-krerëve të UÇK-së.