Presidenti rus, Vladimir Putin ka thirrur 160,000 burra të moshës 18-30 vjeç, që është numri më i lartë i rekrutëve në Rusi që nga viti 2011.
Thirrja për shërbim ushtarak për një vit ka ardhur muaj pasi Putin tha se duhet të rrrisë numrin e përgjithshëm të ushtrisë së saj në pothuajse 2.39 milionë dhe numrin e ushtarëve aktivë në 1.5 milionë.
Kjo është një rritje prej 180,000 gjatë tre viteve të ardhshme.
Zëvendës admin Vladimir Tsimlyansky tha se rekrutët e rinj nuk do të dërgohen për të luftuar në Ukrainë për atë që Rusia e quan “operacioni i saj special ushtarak”.
Rusia thërret rekrutët në pranverë dhe në vjeshtë, por drafti i fundit i 160,000 të rinjve është 10,000 më i lartë se e njëjta periudhë e 2024-ës.
Që nga fillimi i vitit të kaluar, grupi i të rinjve të disponueshëm për draftin është rritur duke rritur moshën maksimale nga 27 në 30 vjeç.
Ministria ruse e mbrojtjes e lidhi rritjen e përmasave të ushtrisë në dhjetor 2023 me “kërcënimet në rritje” si nga lufta në Ukrainë ashtu edhe nga “zgjerimi i vazhdueshëm i NATO-s”, ka raportuar BBC.
NATO është zgjeruar duke përfshirë Finlandën dhe Suedinë, si rezultat i drejtpërdrejtë i pushtimit rus të Ukrainës.
Finlanda ka kufirin më të gjatë të NATO-s me Rusinë, në 1,343 km dhe kryeministri Petteri Orpo tha të martën se vendi i tij do të bashkohej me shtetet e tjera fqinje me Rusinë në tërheqjen nga konventa e Otavës që ndalon minat kundër personit.
Polonia dhe shtetet baltike morën vendime të ngjashme dy javë më parë për shkak të kërcënimit ushtarak nga Rusia.