Pas aksionit disa ditor për lirimin e hapësirave publike, kryeministri Edi Rama ka publikuar një foto nga Lungomarja në Vlorë.
“Vlora sot pasdite. Ja se si doli në dritë Lungomarja, thjesht duke hequr barrikadat absurde dhe frymën e shëmtimit kioskëzues, ndërkohë që të gjithë kanë hapësirën e tyre, edhe qytetarët, vizitorët, turistët, edhe njësitë e shërbimit, të çliruara nga “rraqet” e tepërta dhe të tërhequra qytetarisht në zonën e tyre“-shkruan Rama krahas fotos.
Prej ditësh Rama ka bërë thirrje për lirimin e hapësirave publike, sidomos në zonat bregdetare.