Në mëngjesin e sotëm, kryetari i Aleancës për Ardhmërinë e Kosovës, Ramush Haradinaj, u mirëprit në Rahovec nga kandidati për kryetar të Komunës, Smajl Latifi, kandidatët për Kuvendin Komunal dhe Shtabi Zgjedhor.
Takimi u zhvillua në atmosferë pune e motivimi, duke konfirmuar vendosmërinë për fitoren e radhës në Rahovec.
“Bashkë po e forcojmë rrugën e fitores dhe po e hapim horizontin e ri të zhvillimit e investimeve. Për Rahovecin, puna nuk ndalet!”, u theksua gjatë tubimit.
Smajl Latifi, i cili garon për mandatin e radhës si kryetar i Rahovecit nga radhët e AAK-së, ka marrë mbështetje të fuqishme për programin e tij që synon zhvillim të qëndrueshëm, investime dhe përmirësim të jetës së qytetarëve.