Nëndegët e qytetit të Ferizajt, me entuziazëm dhe besim të palëkundur në vizionin e Partisë Demokratike të Kosovës, janë rreshtuar njëzëri në mbështetje të kandidatit për Kryeministër, Bedri Hamza.
Kandidati për deputet nga radhët e PDK-së, Rashit Qalaj, ka vlerësuar këtë mobilizim si dëshmi të qartë të besimit qytetar dhe të unitetit politik në Ferizaj, duke theksuar se ky qytet po dërgon një mesazh të fuqishëm për gjithë Kosovën: qeverisja lokale model mund dhe duhet të shndërrohet në qeverisje qendrore model.
Sipas Qalajt, me përvojën e tij të dëshmuar, përgjegjësinë institucionale dhe vizionin e qartë për zhvillimin e vendit, Bedri Hamza përfaqëson zgjedhjen e duhur për Kosovën, ndërsa PDK mbetet forca politike që garanton stabilitet, zhvillim dhe mirëqenie për qytetarët.
“Ferizaj është i vendosur të ecë bashkë përpara, me PDK-në dhe me Bedri Hamzën Kryeministër”, ka theksuar Qalaj.
#BashkëPërpara
#PDK130
#Ferizaj
#BedriHamzaKryeministër